Tecglass S.L., empresa situada en Lalín (Pontevedra) e líder mundial na fabricación de solucións integrais de impresión dixital para a industria do vidro plano, busca Peón/a de Fabricación de Maquinaria para cubrir temporalmente unha baixa laboral de longa duración.

Funcións:

• Premontaxe e montaxe de compoñentes conforme ás especificacións técnicas.
• Desmonte, embalaxe e preparación de máquinas para expedición.
• Operacións de carga e descarga de camións e contedores.
• Preparación e limpeza de bastidores e estruturas para pintado.
• Apoio ao equipo de Produción nas tarefas diarias.
• Movemento e organización de materiais dentro da fábrica.
• Mantemento da orde e limpeza das instalacións.

Formación e requisitos:

• Formación e experiencia no uso de ponte guindastre e carretilla elevadora.
• Valorable experiencia en contornas industriais.
• Persoa dinámica, proactiva, organizada e con boa xestión do tempo.
• Capacidade de adaptación e orientación ao traballo en equipo.
• Valorable residencia na zona e dispoñibilidade para viaxar.

Ofrecen:

• Incorporación a unha empresa de alta tecnoloxía, en crecemento e orientada á innovación.
• Proxecto temporal con posibilidades reais de continuidade.
• Xornada continua de luns a venres (07:00–15:00 h).
• Valorable dispoñibilidade puntual para quenda de tarde (14:00–22:00 h).

As persoas interesadas poden enviar o seu CV a seleccion@tecglass.es